Maktabgacha ta’lim tashkilotlarida ekologik burchaklar tashkil etilib, bolalarda tabiatni anglash, ekologik ong va ijodkorlikni uyg‘unlashtirish imkoniyati yaratilmoqda. Bu yerda tarbiyalanuvchilar o‘z ijodiy ishlari orqali gullar, daraxtlar, qushlar tasvirini chizadilar, tabiat boyliklaridan foydalanib, turli maketlar tayyorlaydilar. Bu esa “O‘zbekiston – 2030” strategiyasi doirasida Prezidentimizning PF–16-son Farmonida ta’lim muassasalarida “Ekologik burchaklar” va “Ekologik yo‘lakchalar” tashkil etish muhim vazifalardan biri sifatida belgilangan.
Shuningdek, ekologik yo‘lakchalar bolalar uchun amaliy bilim maktabi vazifasini bajarib, ularda “Qizil kitob”ga kiritilgan noyob o‘simlik va hayvonlar haqidagi bilimlarni kengaytiradi hamda tabiatni muhofaza qilishning ahamiyatini chuqur anglatadi.
