Surxondaryo viloyati Maktabgacha va maktab ta’limi boshqarmasi tomonidan ommaviy axborot vositalari vakillari uchun press-tur o‘tkazildi. Tadbir davomida jurnalistlarga 2025–2026-o‘quv yiliga tayyorgarlik jarayonlari hamda 1-sinfga qadam qo‘yayotgan bolajonlar uchun mo‘ljallangan “Prezident sovg‘alari”ning hududlarga yetkazib berilishi haqida batafsil ma’lumot berildi.
Press-tur doirasida OAV vakillari ta’lim muassasalarida yangi o‘quv yiliga tayyorgarlik holati, 12 nomdagi o‘quv qurollaridan iborat “Prezident sovg‘alari”ni hududlarga yetkazib berish jarayonlari bilan bevosita tanishishdi.
Mazkur tadbirning asosiy maqsadi ta’lim tizimidagi yangiliklar va davlatimiz rahbari tomonidan yaratilayotgan sharoitlar haqida keng jamoatchilikka xolis va ochiq ma’lumotlarni yetkazishdir.
