Xat-savodi bor odam koʻchalardagi eʼlon va peshlavhalarda yozilgan xato va kamchiliklar yonidan jim oʻta olmaydi. Ensasi qotadi, asabiylashadi, xatoni tuzatishlari uchun harakat qiladi. Axir, bu holat har bir insonning savodi, maʼnaviyati qay darajada ekanini koʻrsatadi.
Oltinsoy tumani hokimligi hamda tuman Ma’naviyat va ma’rifat boʻlinmasi bilan hamkorlikda tumandagi “Ipoq” va “Qorliq” mahallalaridagi savdo va xizmat koʻrsatish shoxobchalari hamda nonvoyxonalar peshtoqlaridagi tashqi reklama yozuvlarining davlat tilida yozilishi holatlari oʻrganildi.
Oʻrganishda mahallalardagi 7 nafar tadbirkorlarga tashqi reklama bannerlarini qonunga muvofiqlashtirish va davlat tilida yozilishini ta’minlash yuzasidan ogohlantirish xatlari taqdim etildi.
