Sportda yoshlarimiz erishayotgan muvaffaqiyatlar havas qilgulik. Bu koʻplab yoshlarni sportga jalb qilishga, qiziqishini oshirishga xizmat qilayotir. Tojikistonning Sug‘d viloyati, Xo‘jand shahrida sportning “Shotokan karate-do” yo‘nalishi bo‘yicha boʻlib oʻtgan ochiq turnir ham yoshlarimiz uchun muvaffaqiyatli kechdi. Ushbu musobaqada Uzun tumani “Barkamol avlod” bolalar maktabi karate to‘garagi a’zolari ham ishtirok etib, yurtimiz sharafini munosib himoya qilishdi.
Yosh sportchilarimiz mazkur nufuzli turnirda umumiy hisobda 5 ta medalni qo‘lga kiritishga muvaffaq bo‘lishdi. Bu natija ular uchun katta tajriba maktabi bo‘lish bilan birga, xalqaro maydondagi ilk muvaffaqiyatlardan biri sifatida e’tirof etildi.
