Angor tumanidagi 5-sonli davlat maktabgacha ta’lim tashkilotida “Kichik qadamlar – katta sahnalar” shiori ostida “Turon” kichkintoylar teatri jamoalarini tashkil etish bo‘yicha o‘quv-seminar bo‘lib o‘tdi.
Tadbir doirasida “Turon kichkintoylari” teatrini tashkil etish bo‘yicha ko‘rgazmali chiqishlar namoyish etildi. Unda qo‘g‘irchoq teatri, qo‘lqobli teatr, barmoq teatri, stol usti teatri va soya teatrlari bo‘yicha amaliy namoyishlar tashkilot tarbiyachilari hamda tarbiyalanuvchilari tomonidan ijro etildi.
Seminarda tuman maktabgacha ta’lim tashkilotlari direktorlari ishtirok etib, bolalar teatrini yo‘lga qo‘yishdagi ilg‘or tajriba, samarali metod va yondashuvlar bilan o‘zaro fikr almashishdi.
