Surxondaryo viloyatida davlat organlari va tashkilotlarda ijro intizomi uchun mas’ul bo‘lgan xodimlar ishtirokida amaliy seminar bo‘lib o‘tdi. Unda viloyat hokimining o‘rinbosari Jo‘rabek To‘rayev, Hisob palatasining mas’ul xodimi Baxtiyor Dushayev, viloyat adliya boshqarmasi boshlig‘i Alisher Isoqov, shuningdek, Adliya vazirligining mas’ul vakili Sardor Allamurodov ishtirok etdi.
Seminarda Prezidentimizning “Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida”gi Farmoni mazmun-mohiyati keng muhokama qilindi va ishtirokchilarga uning ahamiyati batafsil tushuntirildi.
Shuningdek, 2025-yilning birinchi yarim yilligida ijro intizomi sohasida yo‘l qo‘yilgan kamchiliklar tahlil qilindi. Mavjud muammolarga yechim topish, mas’uliyatni kuchaytirish va faoliyat samaradorligini oshirish bo‘yicha ikkinchi yarim yillik uchun aniq taklif va vazifalar belgilandi.
