Oilalarning tinchligini mustahkamlash hamda turmush tarzini yaxshilash, oilasiga sadoqatli bo‘lishini uqtirish maqsadida Afg‘oniston fuqarolarini o‘qitish ta’lim markazida “Oqila ayollar” forumi tashkil etildi. Tadbirda tuman hokimining o‘rinbosari – Oila va xotin-qizlar bo‘limi boshlig‘i M.Rasulova, viloyat “Oqila ayollar” harakati a’zosi B.Shukurova, deputatlar, harakat a’zolari, faol xotin-qizlar hamda kayvoni onaxonlar ishtirok etdi.
Forum doirasida oila mustahkamligini ta’minlash, ma’naviy tarbiyani kuchaytirish, ajrimlarning oldini olish, yoshlarni ongli turmushga tayyorlash masalalari yuzasidan fikr almashildi. Shuningdek, “Oqila ayollar” harakati a’zolari mahallalarda amalga oshirayotgan ibratli ishlar, hayotiy tajribalar va samarali faoliyat yuzasidan tajriba almashishdi.
D.Qo‘zimurotova
