Termiz Olimpiya va Paralimpiya sport turlariga tayyorlash markazining sportchilarini yuqori saviyada tayyorlash maqsadida sportning erkin kurash yo‘nalishida yuqori tajribaga ega dog‘istonlik murabbiy Samail Xunkerov jalb etildi.
U Dog‘iston Respublikasi sport maktablarida faoliyat yuritgan, ko‘p yillik tajribaga ega bo‘lgan malakali mutaxassis hisoblanadi. Endilikda u Termizdagi iqtidorli yosh kurashchilar bilan ishlaydi hamda ularning texnik va jismoniy tayyorgarligini xalqaro talablar asosida olib boradi. Mazkur tashabbus mamlakatimizda sportchilarni jahon miqyosidagi musobaqalarga tayyorlash va murabbiylar tajribasini boyitishda muhim qadam hisoblanadi.
