Jarima vaqtida yuborilmasa — bekor qilinadi

Date:

O‘zbekistonda yo‘l harakati qoidalarini buzganlik uchun foto yoki video orqali rasmiylashtirilgan jarimalar endi belgilangan muddatda yuborilmasa, bekor qilinadi. Bu haqda Oliy Majlis Qonunchilik palatasida birinchi o‘qishda ko‘rib chiqilgan yangi qonun loyihasida so‘z bormoqda.

Loyihaga ko‘ra, “Ma’muriy javobgarlik to‘g‘risida”gi Kodeksning 36-moddasiga o‘zgartirish kiritilishi taklif qilinmoqda. Unda aniq belgilanishicha, agar qoidabuzarlik sodir bo‘lgan kundan boshlab bir oy ichida jarima to‘g‘risidagi qaror fuqaroga yetkazilmasa, u bekor qilinadi.

Agar fuqaro bu qarorga norozilik bildirib, shikoyat qilsa, unda jazoni qo‘llash muddati bir yilgacha uzaytiriladi. Shuningdek, ayrim hollarda — masalan, mashina yo‘l chizig‘ini bosib o‘tsa — bu holat foto yoki video kameralar orqali aniqlanmasligi mumkin.

Yangi tartib joriy qilinsa, fuqarolar yo‘l harakati qoidalarini buzganlik holatlari bo‘yicha tez va aniq ma’lumot oladi. Bu o‘zgarish yo‘l harakati qatnashchilari uchun adolatli tizim yaratish, texnik vositalardan foydalanishda aniqlik va ishonchlilikni ta’minlashga xizmat qiladi. Qonun hali yakuniy tarzda qabul qilinmagan, ammo tasdiqlansa, haydovchilarning huquqlari yanada mustahkamlanadi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

EKOLOGIK BILIM VA TASHABBUSLAR BELLASHUVI

Yosh avlodda ekologik madaniyatni yuksaltirish, tabiatga mas’uliyatli munosabatni shakllantirish...

Polvonlik shaʼni va mardlik sharafi ulugʻlanmoqda

Surxon vohasida azaldan mardlik, jasorat va polvonlik qadrlangan. Bugun...

Vazn toifasida tengsiz

Yoshlarning sport maydonlarida erishayotgan yutuqlari nafaqat ularning shaxsiy muvaffaqiyati,...

KITOBXON YOSHLAR SAFI KENGAYMOQDA

Oltinsoy tumanidagi 64-sonli umumiy o‘rta ta’lim maktabida o‘quvchilar o‘rtasida...
KunTun
KunTun