O‘quvchilar teatrda

Teatr — hayot maktabidir. U orqali inson hayotiy saboqlarga ega bo‘ladi, to‘g‘ri yo‘l tanlash, to‘g‘ri qarorlar qabul qilish ko‘nikmalarini shakllantiradi. Termiz shahridagi Prezident maktabi o‘quvchi-yoshlari viloyat musiqali drama teatriga tashrif buyurib, buyuk alloma, hadis ilmining yirik namoyandalaridan biri — Imom Termiziy tavalludining 1200 yilligiga bag‘ishlab sahnalashtirilgan “Imom Termiziy” spektaklini tomosha qilishdi.
Spektakl O‘zbekiston Respublikasi Prezidentining qaroriga muvofiq tayyorlangan bo‘lib, tarixiy yondashuv, chuqur ilmiy izlanish va badiiy yuksaklik bilan boyitilganligi o‘quvchilarning tarixiy ongini shakllantirish, ma’naviy tarbiyasini boyitish va san’at orqali milliy qadriyatlarni singdirish yo‘lida muhim qadamlardan biri bo‘ldi.