Surxondaryo viloyatida tadbirkorlikni rivojlantirish, yo‘lbo‘yi hududlaridagi bo‘sh maydonlardan samarali foydalanish hamda savdo va xizmatlar sohasini kengaytirish maqsadida qator loyihalar amalga oshirilmoqda. Viloyat hokimi Ulug‘bek Qosimov Bandixon tumaniga tashrifi davomida mazkur yo‘nalishlardagi ishlar ijrosi bilan ham yaqindan tanishdi.
“Bandixon” mahalasida aholini daromadli faoliyatga jalb etish maqsadida 20 ta oilaga 100 tadan tovuq, ozuqa va maxsus saqlash qafaslari topshirildi.
Yakunda “Obikor” mahallasi hududidan o‘tuvchi 4R-105 avtomobil yo‘li bo‘yida joylashgan 60 gektarlik yer maydonida savdo va xizmat ko‘rsatish nuqtalari qurilishiga start berildi.
