Bu yilgi bayram vohamiz ayollari, qizlari uchun unutilmas voqealarga, kutilmagan tuhfalarga boy boʻldi. Kimdir davlatimizning yuksak mukofotlariga loyiq koʻrilgan boʻlsa, yana kimlardir ijodda, sportda, ilmda, ijtimoiy hayotda muvaffaqiyatga erishdi.
8-mart – Xalqaro xotin-qizlar bayrami munosabati bilan Uzun tumanida qizlarga fuqarolik ID kartalari tantanali ravishda topshirilgani ham intiqlik ila kutilgan voqea boʻldi. Tadbirda besh nafar qizga o’zining ilk fuqarolik ID kartasi taqdim etildi. Bu harakat, yoshlarning fuqarolik huquqlarini mustahkamlash, ularga o’z huquqlari va majburiyatlarini yanada anglash imkoniyatini yaratish maqsadida amalga oshirildi.
