Albatta, odamlarning turmushi farovon, hayoti toʻkis boʻlishi uchun davlat iqtisodiy tomonlama rivoj topmogʻi lozim. Bunda asosiy tayanch sifatida tadbirkorlikni rivojlantirishga katta e’tibor qaratilmoqda. Ishbilarmonlarga yaratilayotgan keng imkoniyatlar yangi istiqbolli loyihalarni amalga oshirishga, ish o‘rinlari yaratilishiga hamda aholi turmush darajasining oshishiga xizmat qilmoqda.
Surxondaryo viloyati hokimi Ulug‘bek Qosimov Angor, Qiziriq va Sherobod tumanlarida bo‘lib, tadbirkorlar uchun yaratilayotgan sharoitlar, loyihalar qurilishi va yangi tashabbuslar taqdimoti bilan tanishdi.
Dastlab, Angor tumanida 24/7 rejimida ishlovchi “Yoshlar va turizm” ko‘chasi qurilishi ko‘zdan kechirildi. Shundan so‘ng, Qiziriq tumanida “Bakumov tibbiyot majmuasi” MCHJ tomonidan xususiy klinika tashkil etish, “Zarbdor” yoshlar sanoat va tadbirkorlik zonasida yo‘lga qo‘yilayotgan loyihalar, jumladan, “Grant sohil baraka” MCHJning asfalt qoplamasi va temir-beton mahsulotlari hamda “Bahriddin gold ravnaq” MCHJning eshik va deraza romlari ishlab chiqarish faoliyati o‘rganildi.
