O‘rganishlar olib borildi

Boysun tuman 1-son politexnikumida YUNESKOning “Qishloqlarda ishga joylashish ko‘nikmasini oshirish” loyihasi doirasida kasb-hunar ta’limi sifatini baholash va yuksaltirish bo‘yicha o‘zaro bir-birini baholashga qaratilgan o‘rganishlar olib borildi. O‘rganish davomida YUNESKO tashkiloti vakillari Tomas Lyuks, Kamol Jiyanxodjayev, Oliy ta’lim, fan va innovatsiyalar vazirligi professional ta’limni rivojlantirish instituti yetakchi mutaxassisi Maqsuda Amanova va bir guruh aloqador tashkilotlar vakillari ishtirok etdi.
Bunda politexnikumda ta’lim sifatini oshirish, sifatli kadrlar tayyorlash, ish beruvchilar va o‘quvchilar bilan ta’lim muassasasining imkoniyatlari va ular uchun yaratilgan sharoitlar haqida batafsil o‘rganishlar olib borildi. Shuningdek, mas’ullar hamkor korxonalarda bo‘lib, korxona rahbarlari va ustozlari bilan suhbatlashdilar va yaratilgan sharoitlar bilan yaqindan tanishdilar.