“G‘alabaga hissamiz bor”

Talaba-yoshlar oliygohda tahsil olish bilan birga o‘z iqtidor va mahoratlarini namoyon etib, turli sohalarda muvaffaqiyatga erishib kelmoqda. Ayniqsa, sport yo‘nalishida yangi yulduzlar kashf etilayotgani quvonarli hol. Hindiston zaminida qit’aning yosh gandbolchilari ishtirokida nufuzli musobaqa, IHF kubogining Osiyo qit’asi bosqichida ham ana shunday yosh sportchilar yuzaga chiqdi.
Musobaqada qatnashgan O‘zbekiston U-18 o‘smirlar va U-20 yoshlar terma jamoalari a’zolari g‘oliblikni qo‘lga kiritib, kelgusi musobaqada qit’amiz sharafini himoya qiladigan bo‘lishdi. Ushbu muvaffaqiyatga Termiz davlat universitetida tahsil olayotgan besh nafar gandbolchi talabalar ham o‘zlarining munosib hissalarini qo‘shishdi.