Issiq jonning isitmasi bor, deganlaridek, oramizdagi ayrim insonlar betobligi sabab, yangi yilni shifoxonada kutishiga to‘g‘ri keldi. Ana shunday ko‘ngli yarim, sog‘ligi tufayli bayram kunlari shifoxonalarda qolayotgan bolajonlarning ko‘nglini ko‘tarib, holidan xabar olib, ularga olam-olam quvonch, ko‘tarinki kayfiyat ulashish maqsadida Denov tuman hokimi Ilxom Abrorov shifoxonada bo‘lib bolajonlarimizga bayram sovg‘alarini topshirdi.
Bundan tashqari, yangi yil boshlanishining ilk daqiqalarida tug‘ilgan chaqaloqlarning holidan xabar olib, ularning onalariga yangi yil sovg‘alarini ulashdi. Hozirda ona va bolalarning sog‘ligi normal holatda bo‘lib, ular shifokorlarning doimiy nazoratida.
D.Mahmudova
