Yangi yil bayrami – bolalar quvonchi

Har bir bayram bolajonlar bilan fayzli va qiziqarli. Ayniqsa, Yangi yil shodiyonalari ularga beg‘ubor orzu-umidlar, mehr-oqibat va yangi marralar olib kelishini intiqlik bilan kutadilar. Sho‘rchi tumanidagi “Golden kids” maktabgacha ta’lim tashkilotida o‘tkazilgan bayram tadbiri ham bolajonlarga bir olam quvonch tuhfa etdi. Shu bilan birga, “Raqslar jilosi” to‘garagi a’zolari ham o‘zlarining go‘zal raqslari bilan barchani xushnud etdi.
— Tadbir katta archa atrofida uyushtirilgan badiiy dastur bilan yanada fayzli bo‘ldi, — deydi maktabgacha ta’lim tashkiloti rahbari Gulnoza Dadaxonova. — Qorbobo va Qorqiz, turli multfilm qahramonlari obrazlari ishtirokidagi sahna ko‘rinishlari, bolajonlarga olam-olam zavq ulashdi. Iqtidorli o‘g‘il-qizlarning sho‘x qo‘shiq, tarona va raqslari barchaga shodlik va hayajon, ko‘tarinki kayfiyat bag‘ishladi