Taxiatoshlik 300 nafar bolajonga Surxondaryodan sovg‘a

Bir necha yilki, Prezidentimiz tashabbusi bilan Qoraqalpog‘iston Respublikasi tumanlarini ijtimoiy-iqtisodiy rivojlantirish maqsadida viloyatlar, jumladan, Surxondaryo viloyatiga Taxiatosh tumani biriktirilganligi bois Taxiatoshda har sohada o‘zgarish, yangilanishlar epkini esmoqda.
Ana shunday ishlarni davom ettirish maqsadida Taxiatosh tumanida Surxondaryo viloyati hokimligi tomonidan bolajonlar uchun Yangi yil bayrami tadbiri tashkil etildi. Unda Surxondaryo viloyati hokimi Ulug‘bek Qosimov videokonfrensaloqa orqali ishtirok etib, Taxiatosh ahlini, jumladan, tadbirda ishtirok etayotgan bolajonlarni bayram bilan qutladi.
Shundan so‘ng, Taxiatosh tumani hokimi va boshqa mutasaddilar taxiatoshlik 300 nafar bolajonlarga Surxondaryo viloyati hokimligining bayram sovg‘alarini tantanali topshirdi. Shuningdek, tadbirda teatrlashtirilgan konsert dasturlari, turli bayramona chiqishlar namoyish etildi.