Boysunlik Jasur Suvonov tomorqasidan unumli foydalanib, oilaviy tadbirkorlik bilan shug‘ullanib kelmoqda. Tomorqasining 2 sotixiga issiqxona tashkil etib, qulupnay yetishtirmoqda.
— Avvallari issiqxonamizda bodring yetishtirardik,— deydi Jasur Suvonov — Bu yil serdaromad qulupnay ko‘chatlarini ham ekdim. Mehnati kam, daromadi ko‘proq bo‘lgan qulupnay ko‘chatini bir marta eksangiz, uch yilgacha hosil olish mumkin. Yangi yil arafasida har kuni hosilni yig‘ib, bozorga olib chiqyapmiz. Daromadimiz ham o‘ziga yarasha.
Tuman hokimi Bahodir Shukurov fuqaro Jasur Suvonov xonadonida bo‘lib, tashkil etilgan issiqxona, ko‘chatchilik hamda yomg‘ir suvi bilan sug‘orish tizimlarini ko‘zdan kechirdi.
