Seminarlar davom etmoqda

Surxondaryo viloyati Maktabgacha va maktab ta’limi boshqarmasi tomonidan viloyatning shahar va tumanlarida xorijiy tillar bo‘yicha o‘qituvchilarga amaliy-uslubiy yordam ko‘rsatish, ularning bilim va ko‘nikmalarini oshirish maqsadida seminar-treninglarga start berildi. Jarqo‘rg‘on va Qumqo‘rg‘on tumanlaridagi xorijiy til o‘qituvchilari ishtirokida bo‘lib o‘tgan navbatdagi seminarlarga trener sifatida viloyatimizdagi maktablarda faoliyat olib borayotgan “til egalari” – xorijiy mutaxassislar jalb etildi.
Mahoratli mutaxassislar ishtirokchilarga sohaga oid zarur ma’lumotlarni ulashishdi. O‘qituvchilar o‘zlarini qiziqtirgan savollariga xorijlik pedagoglardan javob olishdi. Shuningdek, o‘qituvchilarning bilim, malakalarini baholash maqsadida tajriba-sinov tariqasida xalqaro darajadagi test sinovlarini topshirish imkoniyati ham yaratildi. O‘quv yili yakuniga qadar bu kabi seminarlar viloyatimizning barcha hududlarida davom ettiriladi.