“Yoshlar forumi—2024” doirasida Surxondaryo viloyati Yoshlar ishlari boshqarmasi qoshida tashkil etilgan volontyorlar maktabi va U-Report volontyorlari hamkorligida “Mehr ulash” xayriya aksiyasi o‘tkazildi. Ushbu tashabbus orqali volontyorlar yana bir bor jamiyatimizdagi mehr va birdamlikni namoyon etishdi.
Aksiya davomida 30 dan ortiq ehtiyojmand oila farzandlariga e’tibor bilan sovg‘alar ulashildi. Ushbu sa’y-harakatlar bolajonlarning yuzida quvonch, qalblarida esa umid uchqunini uyg‘otdi.Bayramona muhitni yanada ko‘tarish uchun esa quvnoq va yorqin “Mandarin party” tashkil etildi. Tadbir davomida bolajonlar o‘yin-kulgi, quvonchli lahzalar va iliq muloqotdan bahramand bo‘lishdi. “Mehr ulash” aksiyasi – bu nafaqat yordam, balki bolajonlar qalbida mehr-muruvvat va xursandchilik uyg‘otgan yorqin tashabbus bo‘ldi.
