— Nima yetishmaydi senga? Ustingda eng yaxshi kiyim-bosh, yeganing oldingda. Qancha so‘rasang bersak, nega do‘stingning pulini o‘g‘rilading?
— …
— Jim turma, gapir!
— …
— Aftag‘firulloh, kimga tortgan-a bu?! Menga qara, agar yana shu ish takrorlansa oyog‘ingdan osaman, bola! Menga o‘g‘ri bola kerak emas!
To‘satdan eshik taqilladi. Turib eshikni ochdi. Tanish odam unga sumka tutqazdi.
— Hech kim sezmadimi?
— Hech kim, xo‘jayin. Yuklarni zavoddan kechda chiqarib ulgurgandik. O‘t o‘chiruvchilar kelganda soxta mollar yonib bo‘lgandi…
— Yaxshi. Bor endi. Bu atrofda ko‘p o‘ralashma.Bola sumkada pul borligini bilardi. U bir dadasiga, bir tanish amakining og‘ziga qarab hammasini zo‘r qiziqish bilan kuzatardi…
Arjumandbegim
