Yangi yilda aholinin sifatli va arzon oziq-ovqat mahsulotlari bilan ta’minlash maqsadida viloyatimizning barcha hududlarida arzonlashtirilgan savdo yarmarkalari xizmat ko‘rsatmoqda. Albatta, bunday imkoniyatdan aholi mamnun. Surxondaryo viloyati hokimi Ulug‘bek Qosimov hududlarga tashrifi avvalida Termiz shahridagi “Yashil dunyo” markaziy dehqon bozori hududida “Surxoncha sifat va arzonlashtirilgan mahsulotlar” savdo yarmarkasi faoliyati bilan tanishdi.
Viloyat rahbari mutasaddilar bilan yarmarkada mahsulotlarning yetarliligi, arzon narxlarda sotilishi hamda mavjud zaxiralar bilan tanishdi. Bayramda dasturxonlar to‘kin bo‘lishi uchun arzonlashtirilgan yarmarkalarda faqatgina asosiy turdagi emas, aholining ehtiyoji, talabini qondirish uchun barcha turdagi oziq-ovqat mahsulotlari bo‘lishi lozimligi ta’kidlandi.
