Yangi lazer nuri kashf qilindi

Xalqaro olimlar guruhi dunyodagi birinchi doimiy ishlaydigan yarim o‘tkazgichli lazerni kashf qildi. Tadqiqotchilar kremniy-germaniy-qalay va germaniy-qalay qotishmasidan iborat lazerni namoyish etgan va u avvalgi yuqori energiya sarfini talab qiladigan germaniy-qalay lazerlardan farqli o‘laroq yangi qurilma faqat 5 milliamper oqim va 2 volt kuchlanishda ishlashini isbotlab berishgan. Bu oddiy LED nurning energiya iste’moliga teng degani.
Maxsus halqa shaklidagi tuzilma tufayli lazer minimal quvvat iste’mol qiladi va deyarli issiqlik chiqarmaydi. Bu esa uning 90 kelvin (−183,15°C) haroratgacha barqaror ishlashini ta’minlaydi. U tranzistorlarda ishlatiladigan odatiy kremniy substratlari ustida shakllantirilgan va IV guruh elementlari asosida ishlaydigan birinchi lazer sifatida qayd etilgan.
Ushbu ish kremniy fotonikasini qo‘llagan holda yangi elektron qurilmalar yaratish yo‘lini ochadi.