Biz yashab turgan jamiyat taraqqiyotida musiqa va san’atning o‘rni nihoyatda katta. Har qanday ko‘ngilni o‘ziga rom eta oladigan, insonlar qalbiga ezgulik urug‘ini ekib, illatlarga qarshi kurashadigan ham musiqa desak, mubolag‘a bo‘lmaydi.
Boysun tumanidagi 6-sonli Bolalar musiqa va sanʼat maktabida O‘zbekistonda xizmat ko‘rsatgan artist Sayyora Qosimova hamda “Madaniyat va san’at fidokori” ko‘krak nishoni sohibi, ustoz san’atkor Habib Umarov ishtirokida tashkil etilgan mahorat darsi o‘quvchi-yoshlarda katta qiziqish uyg‘otdi.
Ustoz san’atkorlar tomonidan O‘zbek milliy san’ati, milliy musiqasi, musiqa san’atida folklor qo‘shiqlarining o‘rni va ahamiyati to‘g‘risida ma’lumotlar berildi. Mahorat darsi davomida yoshlar milliy musiqachiligimiz, o‘zbek milliy cholg‘ularidan foydalanish yuzasidan fikr mulohazalarini bildirdi, o‘zlarini qiziqtirgan savollarga batafsil javoblar oldi.
