Bandligi ta’minlanmoqda

Inson sevimli mashg‘uloti bilan band bo‘lsa, vaqti qanday o‘tganini bilmay qoladi. Qolaversa, yangiliklar qilishga, tashabbus ko‘rsatishga intiladi. Bunday ish insonni muvaffaqiyatga yetaklashi aniq. Shu sababdan ham ishsizlar bandligini ta’minlashda, ularning qiiqishlari inobatga olinadi.
Angorlik Mahbuba Davlatova tadbirkor sifatida qandolat mahsulotlari ishlab chiqarish bilan faoliyatini boshlagan. Dastlab 3 nafar xotin-qiz bilan ish boshlagan bo‘lsa, oradan bir muddat vaqt o‘tib, faoliyatini kengaytirdi. Hozirda 20 nafar xotin-qiz faoliyat olib bormoqda.
Korxonada 25 xil turdagi qandolat mahsulotlari tayyorlanadi. Mahsulotlar buyurtma asosida to‘y va bazmlarga, shuningdek, ichki bozorlardagi xaridorlar uchun ishlab chiqariladi.