Muhimi ishtirok…

Asosiysi g‘oliblik emas, balki ishtirokdir. Hamma ham birdaniga muvaffaqiyatga erisha olmaydi. Bunda bilim, mahorat, imkoniyat va omad yetishmas. Har qanday tanlov va musobaqa esa ayni jihatlarni tushunib olish uchun bir imkoniyatdir.
Termiz shahri mezbonlik qilgan U 20 gandbol bo‘yicha O‘zbekiston chempionatida Toshkent shahri, Qoraqalpog‘iston Respublikasi va barcha viloyatlardan bittadan o‘smir yigit-qizlar jamoalari o‘zaro bellashib, kimdir g‘olib, kimlardir esa mag‘lubiyat hissini ham totishlariga to‘g‘ri keldi. Muhimi, ular bundan to‘g‘ri xulosa chiqara olishlarida.
Murosasiz bahslar natijasiga ko‘ra, erkaklar o‘rtasida 1-o‘rin Toshkent shahriga nasib etgan bo‘lsa, Surxondaryo viloyati ikkinchi bo‘ldi. Ayollarimiz esa 3-o‘rin pillapoyasiga ko‘tarilishdi.