Boysun yanada ko‘rkam qiyofa kasb etmoqda

Boysun Surxondaryo viloyatining yashillikka burkangan, xushmanzara tumanlaridan biri. Tabiat go‘zal archazorlar barpo etgan baland tog‘lar qo‘ynidagi bog‘larda turli mevali daraxtlar parvarishlanadi. Aholi tomorqalari va ko‘chalar yoqalarida bo‘y ko‘rsatib turgan mevali, manzaralari daraxtlar, turfa gullar maftunkor tog‘li tumanga o‘zgacha fayz bag‘ishlaydi.
Mamlakatimizda umummilliy harakatga aylangan “Yashil makon” umummilliy loyihasi doirasida Boysun tumanining “Chilonzor” mahallasidagi “Boysun” davlat o‘rmon xo‘jaligiga qarashli ko‘chatxonaning bo‘sh maydonlarida “yashil” belbog‘ barpo etilmoqda. Bunday sa’y-harakatlar bilan tuman yanada ko‘rkam, yanada fayzli hududga aylantirmoqda.
Shuningdek, bo‘sh turgan maydonlar va qir-adirlarda o‘zlashtirilayotgan yerlarga ham mevali, manzarali daraxt ko‘chatlari ekilib, yangi bog‘-rog‘lar barpo etilayotir.