Tinglovchilariga sertifikat topshirildi

Oila muqaddas, shunday ekan uni asrash-avaylash lozim. Bunda, albatta, tomonlarning munosabati ham katta o‘rin tutadi. Yoshlar hayotga yengil qarasa, kattalar bosiqlik qilmasa, bunday oilada xotirjamlik yo‘qoladi. Ana shundan keyin ajrimlar haqida to‘xtalmaslikning iloji yo‘q. Sabablar esa oddiy va jo‘n.
Yoshlarni oilaviy hayotga tayyorlash maqsadida Vazirlar Mahkamasining “Oila institutini yanada rivojlantirish va yoshlarni oilaviy hayotga tayyorlash chora-tadbirlari to‘g‘risida” 2020-yil 31-dekabrdagi 820-sonli qarori ijrosini ta’minlash maqsadida “Oila mehr va baxt qo‘rg‘oni” mavzusidagi yosh kelin-kuyovlarni oilaga tayyorlash bo‘yicha o‘quv kurs bo‘lib o‘tdi.
Mazkur o‘quvlarda Qumqo‘rg‘on tumani Oila va xotin-qizlar bo‘limi boshlig‘i N.Jumayeva hamda psixolog o‘qituvchilar,din vakillari, tibbiyot xodimlari ishtirok etishdi. “Yosh kelin-kuyovlar maktabi” tinglovchilariga oila muqaddasligi, farzandlar tarbiyasi, oiladagi munosabatni ma’naviy muxitni yaxshilash borasida yoshlarga tegishli bo‘lgan tavsiyalar berildi. O‘quv darslar yakunida yoshlarga sertifikatlar topshirildi.