Ko‘krak nishonlari egalariga topshirildi

Bugungi yoshlar tirishqoq, o‘z ustida ishlashdan to‘xtamaydigan, g‘ayrat va shijoati to‘laligi bilan muvaffaqiyatga erishmoqda. Zamon talabi bo‘lgan sohalarda, IT yo‘nalishida, innovatsion g‘oya va loyihalar ishlab chiqib, yangiliklar qilishga o‘ch.Bo‘lib o‘tayotgan tanlov va tadbirlar, ko‘rgazma va kechalar esa ularni yuzaga chiqarishga, keng jamoatchilikka ma’lum qilishga imkoniyat tug‘dirayotir. InnoWeyek-2024 xalqaro innovatsion g‘oyalar haftaligi ham ayni maqsadda tashkil etildi. Ushbu haftalik doirasida “Innovatsion g‘oyalar yetakchisi” tanlovi g‘oliblarini taqdirlash marosimi bo‘lib o‘tdi.Oliy ta’lim, fan va innovatsiyalar vaziri Q.Sharipov hamda Innovatsion rivojlanish agentligi direktori Sh.Rajabbayev ko‘krak nishoni bilan taqdirlangan 14 nafar yosh innovatorlarni tabriklab, kelgusi faoliyatiga ulkan muvaffaqiyatlar tiladi. Taqdirlanganlar orasida surxondaryolik yosh Sherali Xolmamatov ham bor. Sovrindorlar ko‘krak nishoni, statuetka va 7,5 million so‘m miqdoridagi pul mukofoti bilan taqdirlandi.