Ko‘prik — yo‘llarni bog‘laydi, uzog‘imizni yaqin, mushkulimizni esa oson qiladi. ayni ko‘prik sabab yaqinlar, qarindosh-qardoshlar bilan bordi-keldi qilamiz, rishtalarimizni mustahkamlaymiz. Axir azaldan xalqimiz ariqlar qazib, yo‘llar ochgan, ko‘priklar qurib, o‘zlari uchun qulaylik yaratishgan. bir so‘z bilan aytganda, ulkan bunyodkorlik ishlarini amalga oshirishgan.
Bandixon tumani hududidan oʻtuvchi davlat ahamiyatidagi 4R-100 “Manguzar-Jarqoʻrqoʻrgʻon-Bandixon-Oltinsoy-Denov” avtomobil yoʻlining 101 kilometr qismida joylashgan ko‘prik ham ana shunday muhim ahamiyatga ega. Ayni ko‘prikni qayta rekonstruksiya qilish ishlari boshlab yuborildi. Barcha maxsus texnikalar jalb qilindi.
Tuman hokimi Abdumalik Allamuradov tomonidan ko‘prikda amalga oshirilayotgan demontaj ishlari joyiga borgan holda o‘rganilib, mas’ullarga ushbu joyda harakat xavsizligini ta’minlagan holda ishlarni sifatli qilib bajarishlari bo‘yicha topshiriqlar berildi.
