Ma’lumki, kuz faslida mavsumiy qishloq xo‘jalik mahsulotlarini yetishtirishga tayyorgarlik ishlari vohamizning har bir go‘shasida ilg‘orlab ketdi. Sifatli mahsulot, unumli daromad olishimiz uchun, eng avvalo, yer unumdorligi muhim ahamiyatga egadir. Buning uchun yerga kerakli o‘g‘itlar berilib, mashaqqat bilan mehnat qilishimiz darkor.
Shuningdek, Jarqo‘rg‘on tumanida kuzgi shudgorlash ishlariga bag‘ishlangan seminar tashkil etildi. Unda Surxondaryo viloyati hokimi Ulug‘bek Qosimov ishtirokida vohamizning boshqa tumanlari videokonfrensaloqa shaklida qatnashdilar.
Mazkur seminarda 2025-yil hosili uchun kuzgi shudgorlash ishlarini qisqa muddatlarda tizimli tashkil etish masalalari muhokama qilinib, mas’ullarga tegishli vazifalar belgilab berildi. Bundan tashqari, har bir tumanda “Shudgor-2025” shtabini tashkil qilish, texnikalarni shay holatga keltirish, shudgorlash ishlarini fosforli va kaliyli o‘g‘itlar bilan olib borish hamda yerni sifatli haydalishini ta’minlash, bunda mas’ullar tomonidan amaliy ko‘maklar ko‘rsatish yuzasidan aniq muddatlar bilan vazifalar topshirildi.
Shuningdek, shudgorlash ishlari uchun tashkil etilgan otryadlarga oziq-ovqat mahsulotlari hamda maxsus kiyim-boshlar topshirildi.
D.Mahmudova
