Ehtiyotsizlik sabab…

Yoshi ulug‘larimiz o‘t balosidan, suv balosidan asrasin deya bejizga aytishmaydi. Haqiqatan ham ofatlar, baxtsiz hodisalar kutilmaganda sodir bo‘ladi. Muhimi, har qanday hodisadan talafotsiz o‘tib, shirin jonlarga ozor tegishiga yo‘l qo‘ymaslik. Jarqo‘rg‘on tumani “Guliston” mahallasi hududidan oqib o‘tuvchi “ZANG” kanalining Nurli kelajak ko‘chasi qismiga ushbu ko‘chada yashovchi fuqaroning “VAZ-2106” rusumli avtomashinasi tushib ketgan. Voqeaning guvohi bo‘lganlar zudlik bilan FVBga xabar berishgan.
Xabar kelib tushganidan FVV qutqaruvchilari tezkorlik bilan aytilgan manzilga yetib borib, maxsus texnika va asbob-anjomlar yordamida avtomobilni kanaldan chiqarib olishdi. Shukrki, avtomobilda hech kim bo‘lmagan, ma’lum bo‘lishicha, haydovchi avtomobilni qo‘l tormozini ko‘tarishni unutgan.