G‘alaba bilan qaytishdi

Sportda erishilayotgan yutuq va muvaffaqiyatlar o‘zbek yoshlariga bo‘lgan g‘urur va iftixorimizni oshirsa, farzandlarimizni-da qaysidir sport turiga qiziqitirish kerak degan fikrni uyg‘otayotgani ham bor gap. Albatta, yoshlarimizning mahorati, yutuqlari ortida ularning trenerlarining xizmatini ham unutmaslik lozim. Aks holda ustoz ko‘rmagan shogird har maqomda yo‘rg‘alishini ham unutmaslik kerak.
Qoraqalpogʻistonning Nukus shahrida Sambo boʻyicha yoshlar oʻrtasida bo‘lib o‘tgan Oʻzbekiston kubogi uchun kechgan baxslarda ham bunga yana bir bor amin bo‘lish mumkin bo‘ldi. Sambochilar bor mahorat va iqtidorlarini ishga solib, kurashilar. G‘oliblik uchun kechgan jang murosasiz kechdi.
Quvonarlisi, musobaqada Jarqoʻrgʻon sport maktabi tarbiyalanuvchilari Muxlisa Xolmurodova (65 kilogramm vazn toifasida), Charos Abdullayeva (+80 kilogramm vazn toifasida) 1-oʻrinni qo‘lga kritishgan bo‘lishsa, Charos Lolaxonova 72 kilogramm vazn toifasida 2-, Xurshid Shopiyev esa o‘z vazn toifasida 3-oʻrinni egallashdi.