Termiz, Kakaydi va Xayraobod garnizonlarida joylashgan harbiy qismlar harbiy xizmatchilari qurol-yarog‘ va harbiy texnikalarni qishki sharoitda foydalanish rejimiga o‘tkazish bo‘yicha ishlarni amalga oshirmoqda. Bu kabi kompleks tadbirlar harbiy texnikalarni yuqori jangovar shaylik darajasida ushlab turish hamda ob-havoning sovuq sharoitida sozligini ta’minlash uchun o‘tkaziladi.
Harbiy texnika va qurol-aslahalarning jangovar shayligini ta’minlashda ularga ko‘rsatilayotgan texnik xizmatlarning ahamiyati katta. Har bir komandir, har bir harbiy xizmatchi o‘ziga biriktirilgan qurol-yarog‘ va harbiy texnikaning soz va shayligi uchun mas’uldir. Mazkur tadbirlarni bajarish chog‘ida harbiy qismlardagi texnikalarda sovutish suyuqliklari almashtiriladi, har bir jangovar mashina agregat va tugunlari tekshirildi, yoqilg‘i-moylash ashyolari yangisiga almashtirilib, elektr va aloqa jihozlarining sozligi nazoratdan o‘tkazildi.
