Oila — baxt qo‘rg‘oni

Vazirlar Mahkamasining “Oila institutini yanada rivojlantirish va yoshlarni oilaviy hayotga tayyorlash chora-tadbirlari to‘g‘risida” 2020-yil 31-dekabrdagi 820-sonli qarori ijrosini ta’minlash maqsadida “Oila mehr va baxt qo‘rg‘oni” mavzusidagi yosh kelin-kuyovlarni oilaga tayyorlash bo‘yicha o‘quvlar bo‘lib o‘tdi.
Mazkur o‘quvlarda Qumqo‘rg‘on tumani Oila va xotin-qizlar bo‘limi boshlig‘i N.Jumayeva, Adliya bo‘limi FXDYO bo‘limi boshlig‘i D.Xudoyqulova, tuman “Inson” ijtimoiy xizmatlar markazi psixologi S.Valiyeva, tuman Tibbiyot birlashmasi shifakori N. Abdulametova, tuman bosh otinoyisi D.Yaxyoyevalar ishtirok etishdi.
“Yosh kelin-kuyovlar maktabi” tinglovchilariga oila muqaddasligi, farzandlar tarbiyasi, oiladagi munosabatni ma’naviy muxitni yaxshilash borasida yoshlarga tegishli bo‘lgan tavsiyalar berildi. O‘quvlar yakunida yoshlarga sertifikatlar topshirildi.