Viloyat prokurorining o‘rinbosari X.Kulliyev boshchiligida tuman prokuraturasi hamda departament bo‘limi mutasaddilari bilan birgalikda Termiz tumanida ijtimoiy soha obyektlari qurilishi bilan tanishib, loyihalarning qurilish normalari asosida borishini o‘rgandi.
Jumladan, davlatimiz rahbarining “2024-2026-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qaroriga binoan Futbol akademiyasi, tuman tibbiyot birlashmasi shifoxonasining mavjud bino va inshootlarini rekonstruksiya qilish, hamda “Yangiobod” mahallasida oliy ta’lim muassasasining 1 500 o‘rinli o‘quv binosi qurilish ishlari bilan tanishildi.
Shuningdek, soha mutasaddilari, buyurtmachi, pudratchi va boshqa mas’ullarga ishlarni o‘z vaqtida yakunlash, qurilish normalari hamda sifatiga qat’iy rioya qilish topshirildi. Bundan tashqari qurilish jarayonlari ustidan doimiy nazorat olib borish yuzasidan chora-tadbirlar belgilandi.
Dinara Mahmudova
