Yig‘im-terim avj oldi

Kuz fasli qishloq xo‘jaligi sohasida yil davomida amalga oshirilgan ishlarning natijasini ro‘yobga chiqarish pallasi. Shuning uchun ayni chog‘larda paxtakorlar dalalarda oppoq ochilgan paxtalarni nes-nobud qilmasdan yig‘ib-terish, qabul punktlariga o‘z vaqtida topshirish uchun faol ishlayapti.Uzun tuman bo‘yicha bu yil 2 ming 475 gektarga paxta yetishtirildi. Hozirgi kunda g‘o‘zalardagi hosil nishonalarining asosiy qismi ochilgan. 135 ta fermer xo‘jaligi dalalarida paxta terimi qizg‘in pallaga kirdi.Yig‘im-terim ishlarini namunali tashkil etish uchun 72 ta otryad fermer xo‘jaliklari va klasterga biriktirildi. Tumanning 9 ming 95 tonna shartnoma rejasini bajarish uchun g‘ayrat-shijoat bilan mehnat qilmoqda.