Savol: Men 2017-yildan buyon yashab kelayotgan uy-joyimga nisbatan soliq to‘lovlarini uzluksiz to‘lab kelaman, eshitishim bo‘yicha yaqinda chiqqan yangi Qonun asosida kadastr hujjatlarimni rasmiylashtirib olishim uchun yer maydonimni qanchasini qonuniylashtirib olsam bo‘ladi?
Javob: Siz yashab kelayotgan uy-joyingiz hamda yer uchastkangizga nisbatan (soliq to‘lovlaridan qarzdorliklar mavjud bo‘lmasa, nizolar, boshqa birovga ajratilmagan va auksionda sotilgan bo‘lmasa, bundan tashqari muhofaza hududlarda joylashmagan va hokozo talablariga javob bersa, 2018-yil 1-mayga qadar uy-joy qurish orqali o‘zboshimcha egallangan yer uchastkasiga hamda unda qurilgan obyektlarga nisbatan 1998-yil 1-iyulga qadar egallangan bo‘lsa yer uchastkasi uchun – barcha hududlarda 0,24 gektardan ko‘p bo‘lmagan o‘lchamda. Bundan tashqari, 1998-yil 1-iyuldan 2018-yil 1-mayga qadar egallangan yer uchastkasi uchun – Toshkent, Nukus shaharlarida va viloyat markazlarida 0,06 gektardan, qolgan hududlarda 0,12 gektardan ko‘p bo‘lmagan o‘lchamda etirof etilishi belgilangan. Shu o‘rinda sizning uy-joyingizni yer uchastkasiga nisbatan viloyat markazlarida joylashgan bo‘lsa 6 so‘tixgacha va boshqa hududlada bo‘lsa, 12 so‘tixgacha yer uchastkangizga ijara huquqi berilishi ko‘zda tutilgan.
Menglimamat Abdiraxmanov,
Kadastr agentligi Surxondaryo viloyati boshqarmasi boshlig‘i
