Yangi kitob taqdimot qilindi

Kitob insonni kamolotga yetkazadi. Ma’naviy olamimizni boyitadi. Ayniqsa, zamondoshlarimiz yoki muhim va dolzarb mavzularda yozilgan kitoblar qadrli, hayotimizda muhim ahamiyat kasb etadi. Respublika Ma’naviyat va ma’rifat markazi Surxondaryo viloyati bo‘limi tashabbusi bilan Imom Termiziy xalqaro ilmiy-tadqiqot markazida “Yangi O‘zbekiston fidoyisi” ilmiy-uslubiy qo‘llanmasi taqdimoti o‘tkazildi. Unda O‘zbekiston musulmonlari idorasining viloyatdagi vakilligi, imom-xatiblar, hojilar, ziyolilar ishtirok etdi.
Qayd etish joiz, qo‘llanma Respublika Ma’naviyat va ma’rifat markazi, O‘zbekiston musulmonlari idorasi, Ijtimoiy-ma’naviy tadqiqotlar instituti tomonidan targ‘ibotchi hojilarning kasb va yosh xususiyatlaridan kelib chiqib, aholi o‘rtasida ishsizlikni yo‘qotish, jinoyatchilikning oldini olish, yot g‘oyalarga qarshi kurashish va oilaviy ajrimlarning oldini olish qaratilgani bilan ahamiyatlidir.
Tadbirda Respublika Ma’naviyat va ma’rifat markazi Surxondaryo viloyati bo‘limi rahbari Nargiza Rahmatullayeva hamda viloyat bosh imom-xatibi Aliakbar Sayfidinovning mavzuga oid ma’ruzalari tinglandi.