Ishsizlar ishli bo‘ldi

Oliy ma’lumotni tasdiqlovchi diplom bo‘lsa, istagan ishimizda joylashadigandekmiz. Aslida hamma narsa ham biz o‘ylagandek bo‘lavermaydi. Munosib ish izlaysiz, istagan ishingizga tajribangiz yetmagani uchun qabul qilishmasa, boshqalariga bo‘sh shtat yo‘qligi uchun xafsalangiz pir bo‘ladi. Diplom bilan ishsiz yurish erish tuyiladi. Afsuski, bu haqiqat.
Uzunlik yoshlarning sabri esa mukofotlanadigan bo‘ldi. ular uzoq vaqt ishsiz olishmadi, sababi Uzun tumani hokimi Xabibulla Bozorov tuman markazidagi “Shodlik” istirohat bog‘ida sayyor qabul o‘tkazdi. Qabulda 60 nafardan ortiq fuqarolar ishtirok etib o‘zlarining 34 ta turli masalalardagi murojaatlari bilan tuman hokimiga yuzlanishdi.
Qabul “Bo‘sh ish o‘rinlari” mehnat yarmarkasiga ulandi va unga tumandagi korxona va tashkilotlar o‘zlarida mavjud 247 ta bo‘sh ish o‘rinlari bilan ishtirok etdi. Joriy yil oliy ta’limni tamomlagan 20 nafar yigit-qiz turli tashkilot va korxona, maktab va maktabgacha ta’lim tashkilotlariga ishga joylashtirildi.