Talabalar uchun

Oliygohlarda o‘quv yili boshlanishi bilan talabalarning turar joy masalasi o‘rtaga chiqadi-da, talabalar turar joyi qamrovi yetmaganidan ko‘pchilik yoshlar o‘zlari uchun kvartira izlashga tushadi. Talabalar turar joyi har jihatdan talabaga katta qulaylik yaratadi. Shu sababdan Termiz davlat universitetida talabalar uchun yangidan 800 o‘rinli talabalar turar joyi qurildi.
Ayni paytda u yerda qurilish-montaj ishlari jadal sur’atlarda olib borilmoqda. Mavjud binolar qayta rekonstruksiya qilinib, talabalar uchun yanada yaxshiroq sharoitlar yaratilmoqda. Yashil energiyadan oqilona foydalanish maqsadida zamonaviy quyosh panellaridan talabalar hamda professor-o‘qituvchilar uchun qulay avtoturargohlar qurilmoqda. Bu o‘zgarishlar universitet infratuzilmasini yanada yaxshilash, talabalar va professor-o‘qituvchilar uchun sifatli ta’lim va qulay shart-sharoitlar yaratish maqsadida amalga oshirilmoqda.