Mahalliy Kengashlar o‘zaro tajriba almashmoqda

Partiyalarda raqobat, o‘z ustida ishlash, tajriba almashish bo‘lar ekan, jamiyat hayotimizda o‘zgarish, o‘sish va rivojlanish kuzatiladi. Ayni jihatlarni hisobga olgan holda Xalq deputatlari Surxondaryo viloyat, tuman va shahar Kengashlari deputatlari hamda Kengash kotibiyati xodimlari Qashqadaryo viloyatidagi mahalliy Kengashlar faoliyati bilan tanishish, o‘zaro tajriba almashish maqsadida Qashqadaryoda bo‘lib turibdi.
Tashrif davomida viloyatimizdan tashrif buyurgan bir guruh deputatlar Qarshi shahridagi Abu Ubayda ibn Al-Jarroh ziyoratgohini ziyorat qildilar. Shundan so‘ng, “Javohir medical centre” xususiy tibbiyot markazida ham bo‘lib, mazkur tibbiyot maskanida yaratilgan sharoit va imkoniyatlar bilan tanishdilar.