IT — imkoniyat eshigini ochadi

Axborot asrida yashamayapmizmi, bugun IT mutaxassislariga bo‘lgan talab har qachongidan-da yuqori. Shu bois Sho‘rchi tumanida ham yoshlarga axborot texnologiyalari va kommunikatsiyalari yo‘nalishida bilim olishlari uchun barcha imkoniyatlar yaratib berilmoqda.
Tumanda faoliyat olib borayotgan IT markazida 5 ta yo‘nalish bo‘yicha yoshlarga bilim berish maqsadida mashg‘ulotlar tashkil etilgan. Darslarni malakali mutaxassislar o‘tib, yoshlarga yetarlicha bilim va tushunchalar berib kelishmoqda. Ayni paytda markazda IT sohasiga qiziqqan 110 nafar yosh bilim olmoqda.