Emlash — eng yaxshi chora

Internet tarmog‘i borki, bugun dunyoning qaysi burchagida nima sodir bo‘layotgani, umuman holat, tafsilotlar haqida voqif bo‘lib turamiz. Qaysidir hududda noma’lum kasallikdan odamlarning kasallanayotgani aytilsa, qayerdadir boshqa ofatdan insonlar jabr ko‘rayotgan bo‘ladi. Bunday holatlar har birimizni sergaklantirib, kerakli tadorlikni ko‘rishga undaydi. Sababi, hali koronavirus solgan xavf, pandemiya davrlari hali yodimizdan ko‘tarilib ulgurmadi va tegishlicha saboq ham bo‘ldi.
Har ehtimolga qarshi har qanday kasallikka qarshi emlanish, kerakli choralarni ko‘rib qo‘yish, oldini olish vaqt o‘tib, kasallik bilan kurashgandam afzalroq. Shu ma’noda Bandixon tumani Sanitariya epidemiologik osoyishtalik va jamoat salomatligi bo‘limi xodimlari tomonidan “Saroy” mahallasidagi Oybek oilaviy shifokorlik punktida 6 oylikdan 7 yoshgacha bo‘lgan bolalar uchun vaksinalar tarqatildi va emlanuvchi bolalarning emlash kartalari ko‘zdan kechirildi.