Surxondaryo jamoasi final g‘olibi

Sirdaryo viloyatidagi Guliston olimpiya va paralimpiya sport turlariga tayyorlash markazida umumta’lim maktablari o‘quvchilari o‘rtasida “Yoshlik” sport jamoalari musobaqasining gandbol turi bo‘yicha respublika bosqichi bo‘lib o‘tdi. Unda musobaqaning viloyat bosqichi g‘oliblari ishtirok etib, o‘z imkoniyatlarini ishga soldilar.
Musobaqa qiziqarli, murosasiz kurashlarga boy bo‘ldi. Har bir jamoa kuchli, puxta tayyorgarlik ko‘rganini musobaqa jarayonida bilish, amin bo‘lish mumkin bo‘ldi. Ana shunday hayajonli lahzalarda Termiz shahridagi 20-umumta’lim maktabining o‘g‘il bolalar jamoasi munosib ishtirok etib, faxrli 1-o‘rinni qo‘lga kiritdi.