OSIYO MINTAQASIDA G‘OLIB

Qozogʻistonning Olmaota shahridagi Gandbol boʻyicha oʻsmirlar va yoshlar jamoalari oʻrtasida IHF Trophy turnirining 3-Osiyo mintaqasi musobaqasi bo‘lib o‘tdi. Besh kun davom etgan musobaqada Qozogʻiston, Oʻzbekiston, Qirgʻiziston, Pokiston, Tojikiston va Turkmaniston terma jamoalari gʻoliblik uchun oʻzaro bahs olib bordi.
Quvonarlisi, ikki yosh toifasida ham gandbolchilarimiz shohsupaning chempionlik pogʻonasiga koʻtarilishdi. Buning evaziga ikkala terma jamoamiz IHF Trophy turnirining qitʼaviy bosqichida qatnashish sharafiga muyassar boʻlishdi. Terma jamoamiz tarkibida Jarqo‘rg‘on tumani sport maktabi tarbiyalanuvchilari Ibrohim Qarshiyev (U-18 jamoasi), Ozodbek Safarov, Jaloliddin Eshonqulovlar (U-20 jamoasi) munosib ishtirok etib qaytishdi.