Davlat xizmatlari endi mahallalarda

Davlat xizmatlaridan foydalanish uchun markazga borishimiz vaqtimizni tejab, ortiqcha sarsongarchilik, turnaqator navbatlarning oldini olgan bo‘lsa, aholiga yanada qulaylik yaratish mexanizmlari ishlab chiqilmoqdaki, endilikda davlat xizmatlaridan mahalla binolaridan turib ham foydalanish imkoniyati yaratilmoqda. Bandixon tumanidagi “Birdamlik” mahallasi aholisi ana shunday qulaylikka ega boʻldi.
Mahalla binosida oʻrnatilgan infokiosk apparatidan oʻnlab fuqarolarning mushkuli oson boʻldi. Markaz xodimi tomonidan mahalladagi fuqarolar my.gov.uz saytiga roʻyxatdan oʻtkazildi. Fuqarolarni sanatoriyga roʻyxatga qoʻyish, bolalar nafaqasiga ariza joʻnatish hamda kam taʼminlanganlik maʼlumotnomalari shu joyning oʻzida chiqarib berildi.