Hududlarda topshiriqlar ijrosi

Sohalarda ishlar tizimli tashkil etilar ekan, rivojlanish, o‘sish kuzatiladi. Shu ma’noda Surxondaryo viloyatida har bir hududda aholi uchun qulay shart-sharoitlar yaratilayotir. Xalq manfaatini ko‘zlagan holda viloyat rahbari ham shahar va tumanlarimizda bo‘lib, kerakli topshiriqlar berib, ijrosini ham shaxsan nazoratga olgani kishini quvontiradi.
Ana shunday topshiriqlar ijrosi sifatida Sherobod tumani “Navbur” mahallasida infratuzilmani rivojlantirish hamda aholi turmush sharoitlarini yaxshilash maqsadida 3,6 kilometr yo‘l asfaltlanib, foydalanishga topshirildi. Uzun tumanida ham ana shunday bunyodkorlik ishlar jadal sur’atlarda davom etmoqda. 2 milliard so‘m mablag‘ evaziga ta’mirlangan, 15 mingdan ortiq aholiga xizmat ko‘rsatuvchi 78-sonli oilaviy poliklinikaning yangilangan binosining foydalanishga topshirilgani esa fikrlarimiz tasdig‘idir.