Hududlarda “IT-shaharcha”lar tashkil etiladi

IT soahasiga e’tibor ham, qiziqish ham ortib bormoqda. Qolaversa, istiqbolli sohani rivojlantirish, yoshlarning soha sirlarini o‘rganib, o‘z yo‘llarini topishi, muvaffaqiyatga erishishlari uchun barcha shart-sharoit va imkoniyatlar yaratilmoqda. Ayni maqsadda “Hududlarda yoshlarga raqamli texnologiyalar va xorijiy tillarni o‘rganish uchun qo‘shimcha sharoitlar yaratishga qaratilgan “IT-shaharcha”lar faoliyatini tashkil etish to‘g‘risida”gi Prezident qarori (PQ-178-son, 15.05.2024 y.) qabul qilindi.
Qarorga ko‘ra, hududlarda yoshlarni raqamli texnologiyalar va xorijiy tillarga o‘qitishga yo‘naltirilgan “IT-shaharcha”lar tashkil etiladi. Yoshlarni raqamli texnologiyalar sohasiga yo‘naltirish, ularning mazkur sohada bilim egallash bo‘yicha intilishlarini rag‘batlantirish, qolaversa, seminarlar, mentorlik dasturlari va onlayn ta’lim resurslari orqali yoshlarda ularning mehnat bozorida muvaffaqiyatga erishishiga yordam beruvchi raqamli texnologiyalar sohasidagi ko‘nikmalarni shakllantirish va rivojlantirish “IT-shaharcha”larning asosiy faoliyat yo‘nalishlari etib belgilangan.
Dasturlash va raqamli texnologiyalardan foydalangan holda xizmatlar ko‘rsatish yo‘nalishlarida ta’lim berish, xorijiy tillar, shu jumladan ingliz tiliga o‘qitish orqali yoshlarning bilim va salohiyati oshiriladi. Bu bilan ular zamonaviy kasblarga o‘qitish orqali tabiiy resurslardan oqilona foydalanish ko‘nikmalarini oshiriladi.